Kjarasamningar Fíh runnu út þann 31. janúar síðastliðinn. Frá þeim tíma hefur samninganefnd félagsins setið fundi með viðsemjendum sínum.
Samningaviðræður eru nú í fullum gangi þó enn sé niðurstaða ekki í sjónmáli. Samninganefnd félagsins, í samráði við kjararáð Fíh, leggur enn áherslu á að gera stuttan einfaldan samning. Sá myndi gilda í eitt ár með einni launahækkun ásamt smávægilegum öðrum breytingum og væri í raun aðfarasamningur að lengri kjarasamningi sem tæki gildi árið 2015.
Árið sem aðfarasamningurinn gildir verður svo notað til þess að endurnýja kjarasamninga gangvart öllum viðsemjendum Fíh. Viðræðuáætlun fyrir lengri samninginn verður hluti af þeim aðfarasamningi sem nú stendur til að gera.
Samninganefndin byrjar því strax að vinna að endurnýjun kjarasamninga til lengri tíma þegar samkomulag um aðfarasamning er í höfn.