19.
september 2014
Vaktavinnufólk býr við óreglulegt svefnmynstur, andlega heilsukvilla og óhollara mataræði samkvæmt niðurstöðum lokaritgerðar Nönnu Ingibjargar Viðarsdóttur, sérfræðingi hja Embætti landlæknis.
„Vaktavinnufólk sefur skemur en dagvinnufólk, á erfiðara með að sofna, vaknar oftar á nóttunni og er oftar greint með síþreytu.“ segir Nanna. Lokaritgerð hennar fjallar um áhrif vaktavinnu á heilsu og líðan fólks og eru niðurstöðurnar byggðar á svörum þrjú þúsund Íslendinga við könnun Embætti landlæknis.
Að sama skapi sýna niðurstöðurnar að mataræði vaktavinnufólks er lakara: „Vaktavinnufólk borðar oftar skyndibita og drekkur oftar gos, en borðar sjaldnar grænmeti samanborið við dagvinnufólk,“ skrifar Nanna í ritgerðinni. Auk þess stendur vaktavinnufólk hallara fæti hvað andleg heilsu varðar:
„Það upplifir oftar depurð og síður að eitthvað merkilegt gerist á hverjum degi.“
Rannsóknir benda til þess að um fimmtungur fólks geti ekki unnið vaktavinnu vegna áhrifa vinnunnar á heilsuna, og bendir Nanna á að mikilvægt sé að vinnuveitendur virði reglur um hvíldartíma, þar eð þreyta eykur líkur á mistökum í vinnu og einbeiting slaknar.
Tímarit hjúkrunarfræðinga birti í 1. tbl. 2014 eftirfarandi grein um hvíldartímaákvæði kjarasamninga en hún er áhugaverð í þessu samhengi:
Færð þú næga hvíld? - Virðum hvíldartímaákvæði kjarasamninga