Opnað hefur verið fyrir umsóknir í Vinnudeilusjóð Fíh á „Mínum síðum“ á vef félagsins. Styrkur úr Vinnudeilusjóði er ætlaður þeim félagsmönnum sem eru í verkfalli sem bót á tapi reglulegra tekna.
Samkvæmt úthlutunarreglum Vinnudeilusjóðs átti að opna fyrir umsóknir þann 15. júní, en þeirri dagsetningu hefur verið flýtt og er hægt að sækja um frá og með deginum í dag.
Umsóknir fyrir fyrstu úhlutun þurfa að berast í síðasta lagi fyrir miðnætti mánudaginn 8. júní. Eftir það er skilað inn umsókn fyrir viku í senn, frá sunnudegi til laugardags. Með umsókn þarf að fylgja staðfesting á að umsækjandi hafi orðið fyrir tekjutapi vegna verkfalls Fíh. Staðfestingin er skjáskot af Vinnustund sem sýnir þá viku sem sótt er um auk starfshlutfalls umsækjanda. Áætlað er að fyrsta greiðsla úr Vinnudeilusjóði verði 15. júní.
Úthlutunarreglur Vinnudeilusjóðs má sjá HÉR.