30.
júní 2015
Hjúkrunarfræðingar eru hvattir til að yfirfara launaseðlana sína sérstaklega vel um þessi mánaðarmót. Frádráttur vegna þeirra daga sem hjúkrunarfræðingar störfuðu samkvæmt undanþágulista í maí á að vera leiðréttur á launaseðli 1.júlí. Frádráttur vegna daga í verkfalli í júní kemur einnig fram á launaseðli 1. Júlí.
Ef misræmi er á milli frádráttar á launum og þess hversu mikið hjúkrunarfræðingar störfuðu í verkfalli þá eru þeir hvattir til að hafa fyrst samband við launadeild viðkomandi stofnunar og leita skýringa.
Ef hjúkrunarfræðingar telja sig ekki fá nægjanlegar skýringar frá stofnunum geta þeir sent tölvupóst á gunnar@hjukrun.is með afriti af launaseðlum fyrir maí og júní ásamt skjáskoti af tímafærslum í Vinnustund fyrir tímabilið 27.5 – 14.6.2015.