7.
janúar 2016
|
Í dag heimsótti kjaradeild Norska hjúkrunarfélagsins Félag íslenskra hjúkrunarfræðinga til að fræðast um kjaramál á Íslandi, einkum til að kynna sér hvernig íslenska kjarasamningsumhverfið væri og hvernig Fíh nálgast kjaraviðræður sínar. Þau höfðu einnig mikinn áhuga á að fá upplýsingar um verkfall hjúkrunarfræðinga 2015 og hvaða áhrif það hafði á laun og starfsumhverfi íslenskra hjúkrunarfræðinga.
|
Góð samvinna er milli hjúkrunarfélaganna á Norðurlöndum og skiptast félögin gjarnan á upplýsingum sín á milli og læra hvert af öðru. Í einhverjum tilfellum er umhverfið ólíkt hvað varðar lög og reglugerðir landanna. Þó er ansi margt sambærilegt, og þá einkum í starfsumhverfi og faglegri þróun hjúkrunarfræðinga innan Norðurlandanna.
Félag íslenskra hjúkrunarfræðinga þakkar Norska hjúkrunarfélaginu kærlega fyrir heimsóknina.