23.
mars 2016
Borgarafundur RÚV um heilbrigðismál var haldinn í gærkvöldi, og voru þar mjög áhugaverðar pallborðsumræður um stöðu heilbrigðiskerfisins í dag. Fyrir svörum voru meðal annarra Sigríður Gunnarsdóttir framkvæmdastjóri hjúkrunar á Landspítala og Hildigunnur Svavarsdóttir, framkvæmdastjóri hjúkrunar á Sjúkrahúsinu á Akureyri.
Sigríður benti á mikilvægi þess að fjölga þyrfti hjúkrunarfræðingum í starfi á heilbrigðisstofnunum og skapa eftirsóknarvert starfsumhverfi, þar eð aðeins hluti af útskrifuðum hjúkrunarfræðingum skila sér inn á stofnanir.
Hildigunnur Svavarsdóttir framkvæmdastjóri hjúkrunar á Sjúkrahúsinu á Akureyri ræddi mikilvægi þess að skilgreina heilbrigðisþjónustuna á landsbyggðinni með tilliti til mismunandi þjónustustigs.