13.
febrúar 2017
Tímarit hjúkrunarfræðinga efnir til ljósmyndasamkeppni meðal hjúkrunarfræðinga til að prýða forsíðu blaðsins. Í ár verða gefin út tvö prentuð tölublöð, vor- og haustblað, og mun ritnefnd velja forsíðumynd úr innsendum myndum.
Myndefni er frjálst en efnistök blaðs og árstíð geta haft áhrif á val forsíðumyndarinnar.
Handhafi forsíðumyndar fær að launum gjafakort að andvirði 15.000 krónur.
Þátttakendur sendi myndir á netfangið ritstjori@hjukrun.is fyrir 6. mars næstkomandi (vorblað) og fyrir 1. október (haustblað) með upplýsingum um hver tók myndina og stutta lýsingu á myndinni.
Tímaritið áskilur sér rétt til að birta fleiri myndir í blaðinu með umfjöllun um samkeppnina.