Félag íslenskra hjúkrunarfræðinga hefur lýst yfir stuðningi við Felagið Føroyskir Sjúkrarøktarfrøðingar í yfirstandandi verkfalli þeirra:
Stuðningsyfirlýsing
Félag íslenskra hjúkrunarfræðinga lýsir
yfir stuðningi við Felagið Føroyskir Sjúkrarøktarfrøðingar í yfirstandandi
verkfalli þeirra og baráttu þeirra fyrir
bættum launakjörum.
Mikilvægt er að laun hjúkrunarfræðinga í Færeyjum séu samkeppnishæf og hjúkrunarfræðingar fái menntun sína og ábyrgð í starfi metna til launa.
Það er ljóst að hjúkrunarfræðingar eru mikilvægur hluti af öflugu heilbrigðiskerfi hvers samfélags. Því þurfa laun hjúkrunarfræðinga að vera með þeim hætti að þeir haldist í starfi og nýliðun sé möguleg.
Hjúkrunarfræðingar á Íslandi senda hjúkrunarfræðingum í Færeyjum baráttukveðjur.
Með kærri kveðju
Guðbjörg Pálsdóttir formaður
Félags íslenskra hjúkrunarfræðinga