Ágætu hjúkrunarfræðingar.
Félag íslenskra hjúkrunarfræðinga hefur ákveðið að gera könnun til að kanna viðhorf og væntingar hjúkrunarfræðinga til næstu miðlægu kjarasamninga sem losna í mars 2019.
Á næstu dögum fá starfandi félagsmenn senda könnun frá Maskínu frá netfanginu rannsoknir@maskina.is. Það skiptir mjög miklu máli að þátttaka verði góð til að niðurstöður nýtist okkur hjúkrunarfræðingum sem allra best. Dregið verður úr hópi þátttakenda, og hljóta 5 hjúkrunarfræðingar gjafabréf fyrir þátttöku.
Slíkur póstur gæti lent í einhverju af pósthólfunum sem sum póstforrit flokka í, eins og t.d. óreiða, "clutter" eða "junk mail“. Gott er því að gæta að hvort pósturinn frá Maskínu hafi lent þar.
Maskína fer eftir ítrustu kröfum um meðferð á persónuupplýsingum og því eru svör á engan hátt rekjanleg til einstaklinga.
Þeir sem ekki hafa fengið könnunina senda mega hafa samband við harpa@hjukrun.is.