Aðalfundur Félags íslenskra hjúkrunarfræðinga (Fíh), haldinn 16. maí 2019 skorar á íslensk stjórnvöld og aðra viðsemjendur hjúkrunarfræðinga að leiðrétta tafarlaust launakjör hjúkrunarfræðinga samanborið við aðra háskólamenntaða starfsmenn.
Íslensk stjórnvöld og aðrir viðsemjendur hjúkrunarfræðinga þurfa að bregðast fljótt við vanda íslenska heilbrigðiskerfisins vegna skorts á hjúkrunarfræðingum. Því þarf að ljúka sem fyrst við gerð nýs kjarasamnings sem leiðir til bættra launakjara, breytinga á vinnutíma og bættu starfsumhverfi með öryggi og vellíðan hjúkrunarfræðinga og sjúklinga að leiðarljósi. Greiða þarf hjúkrunarfræðingum laun í samræmi við menntun og ábyrgð.
Aðalfundur Fíh lýsir yfir fullum stuðningi við samninganefnd félagsins í yfirstandandi kjarasamningaviðræðum.