21.
febrúar 2020
Í kjölfar fundar samninganefndar Félags íslenskra hjúkrunarfræðinga (Fíh) og Samninganefndar ríkisins (SNR) hefur félagið ákveðið að vísa kjaradeilu félagsins við fjármálaráðherra f.h. ríkissjóðs til ríkissáttasemjara.
Tæplega 11 mánuðir eru liðnir frá því að Gerðardómur Fíh rann út og þar með miðlægur kjarasamningur félagsins. Fíh hefur fundað reglulega með SNR frá því í febrúar 2019. Ljóst er að talsvert ber á milli þegar kemur að umræðum um ýmsa þætti eins og launalið nýs kjarasamnings. Því hefur Fíh ákveðið að vísa deilunni til sáttameðferðar hjá ríkissáttasemjara. SNR var tjáð ákvörðunin á samningarfundi. 21. febrúar 2020.
Næsti samningafundur milli aðila verður boðaður af ríkissáttasemjara.