Staða kjaraviðræðna 6. mars 2020:
Samkomulag náðist nú í vikunni í kjarasamningsviðræðum Fíh við viðsemjendur um útfærslu á styttingu vinnuvikunnar í vaktavinnu. Þetta er áfangi í átt að því að ljúka gerð kjarasamnings, en áður hafði samkomulag náðst um styttingu vinnuvikunnar í dagvinnu.
Samkomulagið var staðfest með fyrirvara um að samningar náist um önnur málefni sem út af standa. Þar sem viðræður eru enn í gangi er ekki tímabært að upplýsa hvað felst í samkomulaginu á þessu stigi. Það verður kynnt fyrir félagsmönnum Fíh um leið og kjarasamningar hafa náðst.
Enn er talsvert á milli aðila í mikilvægum þáttum viðræðna eins og launalið nýs kjarasamnings. Næsti samningafundur samninganefndar Fíh og Samninganefndar ríkisins verður næstkomandi mánudag.