Orlofseignir lokaðar út apríl

Félag íslenskra hjúkrunarfræðinga hefur ákveðið að loka fyrir aðgang að orlofseignum félagsins út aprílmánuð. Ákvörðun þessi er tekin í ljósi tilmæla Almannavarna og Sóttvarnalæknis til stéttarfélaga um að félögin loki fyrir aðgang orlofseignum sínum um páskana. Þegar líður á apríl mun félagið endurmeta ákvörðunina vegna útleigu í maí og verður þá tekið mið af ráðleggingum frá Almannavörnum og Sóttvarnalækni.

Þeir sem eiga þegar bókað munu fá endurgreitt að fullu og punktar verða bakfærðir. Vinsamlegast hafið samband við skrifstofu félagsins til að ganga frá endurgreiðslu.