Í dag er alþjóðlegur dagur sem er tileinkaður öryggi sjúklinga- Patient Safety Day. Af því tilefni kemur út skýrsla frá Alþjóðaráði hjúkrunarráði (ICN) um stöðu hjúkrunarfræðinga á tímum COVID-19.
Ríflega 1.000 hjúkrunarfræðingar frá 44 löndum hafa látist af völdum covid-19 faraldursins að því er fram kemur í nýútkominni skýrslu frá Alþjóðaráði hjúkrunarfræðinga (ICN). Áætla má að um 30 milljónir manna hafi smitast af vírusnum. Þar sem hlutfall heilbrigðisstarfsmanna er um 10% á heimsvísu má áætla að þrjár milljónir heilbrigðisstarfsmanna hafi smitast.
Niðurstöður skýrslunnar benda til að stjórnvöldum hafi ekki tekist að vernda hjúkrunarfræðinga og aðrar heilbrigðisstéttir í faraldrinum að mati Howard Cattons, forstjóra ICN. Með því að setja hjúkrunarfræðinga í hættu eru yfirvöld að ógna lífi og öryggi sjúklinga.
#WorldPatientSafetyDay
Skýrsluna má lesa hér: Protecting nurses from COVID-19 a top priority: A survey of ICN’s national nursing associations