15.
desember2020
Könnun Fíh á meðal hjúkrunarfræðinga um starfumhverfi þeirra og líðan í starfi á tímum Covid-19
Á þessu ári hafa orðið miklar breytingar á starfsumhverfi hjúkrunarfræðinga vegna kórónafaraldursins og áhrif hans ómæld. Sökum þess leggur félagið fram könnun meðal hjúkrunarfræðinga um starfsumhverfi þeirra og líðan í starfi. Hjúkrunarfélög víða í Evrópu hafa framkvæmt svipaðar kannanir og því verður áhugavert að bera saman niðurstöður við önnur Evrópulönd.
Markmiðið er m.a. að:
- Sjá hvaða breytingar hafa átt sér stað í starfsumhverfi hjúkrunarfræðinga á tímum Covid-19
- Kanna líðan hjúkrunarfræðinga á tímum Covid-19
- Kanna öryggi hjúkrunarfræðinga m.t.t. hlífðarbúnaðar og vinnuverndar
Hjúkrunarfræðingar sem hafa þegið laun árið 2020 fá könnunina senda til sín rafrænt í tölvupósti og hvet ég alla hjúkrunarfræðinga sem fá hana senda, til að taka þátt og svara henni.
Með von um góðar undirtektir,
Guðbjörg Pálsdóttir formaður Fíh