Óskað er eftir tilnefningum fyrir Hvatningarstyrk Félags íslenskra hjúkrunarfræðinga 2022.
Stjórn Félags íslenskra hjúkrunarfræðinga, í samráði við stjórn Vísindasjóðs félagsins, hefur ákveðið að veita hvatningarstyrki til frumkvöðla í þróun og eflingu hjúkrunar á Íslandi. Styrkjunum er ætlað að styðja þessa frumkvöðla til að afla sér frekari þekkingar og/eða þjálfunar sem nýtist þeim til að þróa enn frekar nýsköpunarverkefni sem tengjast hjúkrun og þeir eru í forsvari fyrir eða leiða. Um er að ræða fjóra 500.000.- króna styrki.
Allir félagar í Félagi íslenskra hjúkrunarfræðinga geta tilnefnt þann frumkvöðul í þróun og eflingu hjúkrunar og rökstutt valið á þeim sem þeir telja að hljóta eigi styrk.
Síðasti skiladagur tilnefninga er 26. apríl 2022.
Búið er að loka fyrir tilnefningar
Hvatningarstyrkirnir verða formlega veittir á aðalfundi Fíh þann 12. maí næstkomandi.