Íbúð til leigu á Akureyri

Félagsmönnum Fíh gefst kostur á að leigja íbúð á Akureyri. Það opnar fyrir bókanir þann 13.apríl kl. 10:00.

Tímabil útleigu er 14.apríl til 8.sept 2022. Ein vika í senn, frá fimmtudegi til fimmtudags.

Fyrstur kemur fyrstur fær.                                                            

Íbúðin er á Davíðshaga 6, íbúð 206.

Nánari lýsingu og myndir má sjá á orlofsvefnum.

Íbúðin er 78 fermetrar og er á annarri hæð í fjögurra hæða fjölbýlishúsi með lyftu. Þegar komið úr lyftunni er beygt til vinstri, upp 9 þrep og út á svalagang. Íbúðin skiptist í alrými með stofu og eldhúsi með stækkanlegu eikarborðstofuborði. Þar má finna sjö stóla ásamt öllum venjulegum eldhúsbúnaði, ísskáp, örbylgjuofn og uppþvottavél. Í baðherberginu er sturta, þvottavél, þvottagrind, ryksuga og allar ræstivörur. Þrjú svefnherbergi, eitt með tvíbreiðu rúmi (160x200cm), annað með svefnsófa og þriðja með 120 cm breiðu rúmi. Í stofunni er sjónvarp og DVD-tæki. Á svölunum er útvarp og gasgrill ásamt borði og tveimur stólum. Eitt bílastæði fylgir íbúðinni.

Netsamband er í íbúðinni. Aðgangur er að myndlykli og Netflix, sjá leiðbeiningar í húsi.

Orlofsvefur