Samvinna hjúkrunarfræðinga á Norðurlöndum (SSN) fagnar nú 100 ára afmæli með ráðstefnu í Danmörku. Ísland hefur verið aðili að samtökunum frá 1923 og tekur Félag íslenskra hjúkrunarfræðinga virkan þátt í starfi SSN.
Hlutverk SSN er meðal annars að beina athygli sinni að þróun og eiga frumkvæði í málum sem hafa áhrif á hjúkrunarfræðinga og hjúkrun á Norðurlöndum.
Samvinnan á að leggja sitt af mörkum til áframhaldandi þróunar hinnar almennu heilbrigðisþjónustu og hjúkrunar á Norðurlöndum.
Guðbjörg Pálsdóttir, formaður, Halla Eiríksdóttir, varaformaður, og Edda Dröfn Daníelsdóttir, sviðsstjóri fagssviðs, voru fulltrúar Fíh á ráðstefnunni auk annarra íslenskra gesta.
Lill Sverresdatter Larsen, forseti SSN.
Lill Sverresdatter Larsen var kjörin nýr forseti SSN á ráðstefnunni. Þau Pamela Cipriano, forseti Alþjóðaráðs hjúkrunarfræðinga (ICN), Margrieta Langins hjúkrunar- og ljósmæðraráðgjafi WHO, og Howard Catton, framkvæmdastjóri ICN, eru sérstakir gestir.