Umsóknarfrestur vegna úthlutunar á heilsustyrk í lok desember rennur út föstudaginn 9. desember. Umsóknarfrestur vegna úthlutunar á styrkjum úr starfsmenntunarsjóði rennur út 6. desember, framlengt frá 30. nóvember.
Að jafnaði er heilsustyrkur greiddur út 24.-26. dag mánaðar eða næsta virka dag á eftir. Umsóknir sem berast sjóðnum eftir 9. desember verða teknar fyrir á fyrsta fundi stjórnar sjóðsins næsta ár og telst styrkurinn til liðins árs. Heilsustyrkur er í heild allt að 60.000 kr. á ári.
Fullgildar umsóknir vegna styrkja í starfsmenntunarsjóð sem berast sjóðnum eru teknar fyrir á fundum sjóðsstjórnar og koma til greiðslu á 15. desembermánaðar. Styrkfjárhæð úr starfsmenntunarsjóði er 240.000 kr. á 24 mánuðum.
Nú er unnið úr umsóknum í báðum sjóðum, ef einhverjar upplýsingar eða fylgigögn vantar verður haft samband við umsækjendur í tölvupósti.
Sækja má um heilsustyrk og styrk í starfsmenntunarsjóð á Mínum síðum.