Fundarferð lokið eftir góða fundi á Norðurlandi

Fundarferðinni Ræðum komandi kjarasamninga lauk miðvikudaginn 1. mars með þremur fundum á Norðurlandi þar sem fulltrúar kjarasviðs Fíh hittu hjúkrunarfræðinga á Siglufirði, Sauðárkróki og Blönduósi.

Tilgangur fundarferðarinnar var ræða og heyra sjónarmið hjúkrunarfræðinga um allt land um væntanlega kjarasamninga við hið opinbera en gerðardómur við ríkið rennur út í lok mars.

Alls voru haldnir sextán fundir og var mæting yfirleitt með besta móti. Ýmislegt kom upp á í fundarferðinni, þar á meðal rafmagnsleysi, þá þurfti að færa til fundi vegna veðurs og flýta síðustu fundunum þar sem samningaviðræður við ríkið hófust í febrúar.

Umræðurnar voru heilt yfir góðar og gagnlegar, gott veganesti í komandi kjaraviðræður.