Orlofsvefur opnar fyrir allar bókanir 1. apríl

Þann 1.apríl verður almenn opnun fyrir bókanir orlofshúsnæðis sumarið 2023. Forgangsopnun orlofsvefs hófst mánudaginn 20. mars. Alls eru í boði tuttugu orlofshúsnæði í forgangsopnuninni, sautján á Íslandi, tvö á Spáni og eitt í Danmörku. Þar af eru fimm orlofshús sem bjóða upp á að vera með gæludýr. Alls eru í boði hátt í 300 vikur í útleigu frá maí til septemberloka. Opnun fyrir bókanir á orlofstímabilinu er háð punktainneign sjóðfélaga og hvort sjóðfélagi hafi leigt orlofshúsnæði síðustu tvö sumur. 

Líkt og síðustu ár verður opnað á eftirfarandi dögum.

• Frá mánudeginum 20. mars kl.10:00- 112 punkta og fleiri og hafa ekki leigt síðustu tvö sumur, geta bókað og greitt

• Frá þriðjudeginum 21. mars kl.10:00 -  82 punkta og fleiri og hafa ekki leigt síðustu tvö sumur, geta bókað og greitt

• Frá miðvikudeginum 22. mars kl.10:00 -  15 punkta og fleiri og hafa ekki leigt síðustu tvö sumur, geta bókað og greitt

• Frá laugardeginum 1. apríl kl.10:00 -  Allir geta bókað og greitt

Orlofsvefur

Íbúðir í þéttbýli, svokallaðar flökkuíbúðir, eru utan við þessa opnun því þær fylgja áfram opnun 1.hvers mánaðar og 15.hvers mánaðar fyrir þá félagsmenn sem eiga lögheimili utan þess sveitarfélags sem við á. Íbúðirnar eru, Furulundur á Akureyri, Sóltún 9, Klapparstígur 1 og 3 í Reykjavík.

Í ár hefur orlofsnefnd tekið á leigu tvær íbúðir á Spáni og eina í Danmörku með von um að þessi nýung falli vel í kramið hjá sjóðfélögum. Íbúðirnar erlendis eru leigðar út viku í senn.

Orlofsnefnd vill koma til móts við félagsmenn sem óskað hafa eftir fleiri orlofshúsum þar sem gæludýr eru leyfð, það er með þeim fyrirvara að sjóðfélagar með gæludýr í húsnæðinu sé skylt að kaupa þrif á húsnæðinu að dvöl lokinni. Húsnæði sem nú leyfir gæludýr eru öll húsin á Lokastíg í Grímsnesi, Bjallavegur 11 á Suðurlandi og Brekkuskógur í Húsafelli.

Orlofsvefur