haldinn 12. september 2005 kl. 9:00-12:00
Mættir: Halla Grétarsdóttir 1.varaformaður, Elín Ýrr Halldórsdóttir 2.varaformaður,
Stjórnarfundur:
Dagskrá:
- Fundargerðir stjórnarfunda 8. og 22. ágúst 2005 samþykktar
- Samningur um fjármálasýslu félagsins (frá síðasta fundi)
Samþykkt að taka tilboði PricewaterhouseCoopers í bókhaldsþjónustu, launabókhald og endurskoðun og ásuppgjör fyrir félagið.
- Beiðni um styrk vegna útgáfu bókar (frá síðasta fundi)
Samþykkt að styrkja útgáfu bókarinnar Líkami og sál: Hugmyndir, þekking og aðferðir í hjúkrun eftir Kristínu Björnsdóttur um kr. 250.000.-
- Endurskoðun ráðningarkjara formanns félagsins (frá síðasta fundi)
Stjórn kynnt endurskoðun á ráðningasamningi formanns, stjórn lýsir sig sátta við forsendur og röðun. Afgreiðslu frestað til næsta fundar vegna skorts á gögnum.
- Erindi frá stjórn BHM um styrk til Mannréttindaskrifstofu Íslands (frá síðasta fundi)
Stjórn Fíh lýsir yfir stuðningi við starfsemi mannréttindaskrifstofu á Íslandi en fjárhagslegum stuðningi er vísað til BHM.
- Afleysingar fulltrúa á skrifstofu Fíh.
Frestað til næsta fundar.
- Rekstrarstaða Fíh.
Farið yfir rekstrarstöðu félagsins janúar-júní 2005. Stjórn lýsir áhyggjum af minnkandi auglýsingatekjum í Tímarit hjúkrunarfræðinga. Formanni er falið að yfirfara ábyrgð og vinnuferli tímaritsins í samvinnu við ritstjóra og ritnefnd.
Ákveðið að fá fjármálastjóra á næsta stjórnarfund til að svara fyrirspurnum varðandi einstaka liði í rekstraráætlun.
- Önnur mál
- Kynnt var tilboð frá SPRON um vörslu sjóða (vinnudeilusjóð). Móta þarf stefnu varðandi ávöxtun allra sjóða félagsins. Rætt um að leita tilboða frá fleiri fjármálastofnunum í ávöxtun sjóðanna. Ákveðið að halda áfram þessari umræðu á næsta stjórnarfundi.
Fleira ekki gert. Fundi slitið kl. 11:55.
Aðalbjörg J. Finnbogadóttir
Samþykkt: