Ályktun fulltrúaþings Félags íslenskra hjúkrunarfræðinga 7. og 8. maí 2007 um hjúkrunarrými og mönnun

Fulltrúaþing Félags íslenskra hjúkrunarfræðinga fagnar áformum stjórnvalda um fjölgun hjúkrunarrýma fyrir aldraða um 375 rými á næstu árum. Þingið vekur jafnframt athygli á þeirri augljósu staðreynd að fjölgun hjúkrunarrýma kallar á fjölgun hjúkrunarfræðinga og sjúkraliða. Þingið skorar því á heilbrigðisráðherra að beita sér fyrir því að skilgreina betur en nú er þá hjúkrunarþjónustu sem veita skal á hjúkrunarheimilum og hinir öldruðu eiga rétt á. Fagleg sjónarmið verði lögð til grundvallar í þeirri vinnu.