Haldinn
25. febrúar 2008 kl 13:30
Fundinn sátu:
Elsa B. Friðfinnsdóttir, formaður, Halla Grétarsdóttir, 1. varaformaður, Fríða Björg Leifsdóttir, ritari, Gyða Ölvisdóttir, varamaður, Stefanía Arnardóttir, varamaður, Eygló Ingadóttir, gjaldkeri, Hrund Helgadóttir, meðstjórnandi, Hólmfríður Kristjánsdóttir, meðstjórnandi í fjarfundabúnaði frá Akureyri.
Til afgreiðslu:
- Fundargerð síðasta fundar – samþykkt án athugasemda
- a. Fjárhagsáætlun 2008 - Sólveig fjármálastjóri kom á fundinn og kynnti fjárhagsáætlunina fyrir 2008 og rauntölur 2007. Reglum hefur verið breytt varðandi úthlutanir frá Starfsmenntunarsjóð og því gert ráð fyrir að úthlutanir aukist töluvert milli ára. Endurskoða þarf launalið í fjárhagsáætlun starfsmenntunarsjóðs vegna breyttra reglna um Starfsmenntunarsjóð. Fjárhagsáætlun sjóðsins samþykkt með fyrirvara um þær breytingar.
Fjárhagsáætlun félagssjóðs samþykkt.
Fjárhagsáætlun orlofssjóð samþykkt með fyrirvara um eftirfarandi bókun:
Í umræðu um fjárhagsáætlun og rauntölur orlofssjóð var ákveðið að fá orlofsnefnd á fund stjórnar til að fara yfir framtíðar áform í tengslum við orlofssjóðinn, orlofshús o. fl.
Fjárhagsáætlun Vísindasjóðs samþykkt.
b. Umræða um kostnað sem fylgir ímyndaátakinu “ Þegar mest á reynir”. Tillaga um að taka það fjármagn sem þarf til handa ímyndarátaki í tengslum við kjaramál úr vinnudeilusjóði, allt að 6 milljónum króna – þarf að athuga reglur um Vinnudeilusjóð.
Til umræðu:
- Tillögur umbótanefndar um breytingar á skipulagi og lögum félagsins
Rætt um niðurstöður skýrslu umbótanefndar. Hugmyndir og spurningar varðandi skýrsluna settar saman og ákveðið að senda aftur til umbótanefndarinnar til frekar útskýringa. Stjórnarmönnum tillagt að velta þessum breytingum fyrir sér fyrir vinnufund stjórnar 10. mars n.k.
Hólmfríður Kristjánsdóttir víkur af fundi kl. 15 vegna annarra erinda.
- Íðorðanefnd FÍH - ákveðið að bíða með stofnun nefndar uns komið er í ljós hvað verður úr vinnu umbótahóps og framtíð nefnda innan FÍH
- Kjarasamningar; staða mála – undirritun viðræðuáætlunar átti að gerast í síðustu viku. Send hefur verið fyrirspurn til samningarnefndar ríkisins vegna málsins. Ekki verður um samflots samninga að ræða að sinni. Formaður fer á fundi vegna samninganefnda á næstu dögum.
- Húsnæðismál – minnispunktar frá Jóni Aðalbirni Jónssyni vegna hugrenninga varðandi mögulegar breytingar á húsnæði FÍH. Afgreiðslu á málinu frestað þar til ákvörðun um breytingar á skipulagi FÍH hafa gengið í gegn. Stjórn þakkar Jóni Aðalbirni frumkvæði og óeigingjarna vinnu í tengslum við þetta mál.
- Erindi frá vinnuverndarnefnd – Formanni falið að ræða erindið við vinnuverndarnefnd.
- Efni SSN ráðstefnu haustið 2009 – verður tekið fyrir á stjórnarfundi SSN í næstu viku. Stjórn beðin um að segja álit sitt á mögulegum þemum á SSN ráðstefnu haustið 2009. Stjórn ákvað að leggja til að sjúklingaflæði og samræming menntunarmála verði fyrir valinu sem þema að hálfu FÍH
Til kynningar:
- Breyttar úthlutunarreglur Starfsmenntunarsjóðs FÍH - Stjórn starfsmenntunarsjóðs hefur samþykkt nýjar reglur um starfsmenntunarsjóð, þessar nýju reglur kynntar stjórn.
- Svar fjármálaráðherra við erindi um samningsrétt fyrir hjúkrunarfræðinema.
- Önnur mál
- Breyting á inntöku í hjúkrunarfræðideild HÍ - Í morgun 25.febrúar bárust þær fréttir til Fíh í gegnum 24 Stundir að í desember 2007 hafi verið ákveðið að hætta með numerous clausus í hjúkrunarfræðideild HÍ. Formaður hafði samband við hjúkrunarfræðideild HÍ sem staðfesti málið. Nú verði krafist lágmarkseinkunnar 6 í meðaleinkunn eftir haustönn fyrsta árs.
- Erindi tengt fagdeild heilsugæslu hjúkrunarfræðinga – Stefanía bar upp erindi vegna umræðna innan fagdeildar heilsugæslu hjúkrunarfræðinga.
- Málþing 6. mars á vegum jafnréttisnefndar BHM - samvinnuverkefni með hinum bandalögunum. Nýjar leiðir til launajafnréttis verður umræðuefnið.
Fundi slitið kl. 16:00