Ályktun aðalfundar Fíh um stjórnun LSH

Starfsemi Landspítala, eins og annarrar heilbrigðisþjónustu, hvílir á tveimur megin stoðum, þ.e. lækningum og hjúkrun. Í lögum um heilbrigðisþjónustu síðustu 30 árin hefur skýrt verið kveðið á um faglega yfirstjórn hjúkrunarfræðinga yfir hjúkrunarþjónustu heilbrigðisstofnana. Það skipulag hefur leitt til mikilla framfara í heilbrigðisþjónustu hér á landi.
Aðalfundur Félags íslenskra hjúkrunarfræðinga (Fíh) leggur áherslu á að tekið verði mið af þessari reynslu við þær skipulagsbreytingar sem rætt er um að framundan séu á Landspítala.