8.
júní 2016
Reykjavík 8. júní 2016
Velferðarnefnd Alþingis
Efni: Umsögn um tillögu til þingsályktunar um lyfjastefnu til ársins 2020. Þingskjal 1106, 678. mál.
Félag íslenskra hjúkrunarfræðinga (Fíh) lýsir yfir ánægju með gerð lyfjastefnu sem byggist á þeim megin stoðum sem lýst er í lyfjastefnunni.
Fíh telur að við nánari útfærslu á þeim leiðum sem eiga að ná markmiðunum sem eru sett þar fram hafi hjúkrunarfræðingar þekkingu og reynslu sem vert er að nýta, bæði hvað varðar vinnu við útfærslu á leiðunum sem og að vera virkir þátttakendur í að ná settum markmiðum.
Í 1. lið lyfjastefnunnar, þar sem fjallað er um aðgengi allra landsmanna að nauðsynlegum lyfjum má benda á að hjúkrunarfræðingar starfa á öllum sviðum heilbrigðisþjónustunnar. Þeir eru víða út um land sú heilbrigðisstétt sem næst stendur sjúklingum, sérstaklega þar sem tímabundinn eða viðvarandi skortur er á læknum. Sífellt fleiri lönd hafa veitt hjúkrunarfræðingum með víkkað starfssvið, takmarkaða heimild til að ávísa ákveðnum lyfjum. Er það gert til að bæta þjónustu m.a. við sjúklinga úti á landsbyggðinni sem oft á tíðum búa við læknaskort um lengri eða skemmri tíma. Margra ára góð reynsla er af ýmsum útfærslum af lyfjaávísun hjúkrunarfræðinga með tilskylda þjálfun og réttindi í löndum eins og Bandaríkjunum, Bretlandi, Ástalíu, Nýja Sjálandi, Írlandi og í Skandinavíu. Ótal rannsóknir hafa sýnt fram á öryggi og gæði þessarar þjónustu.
Í 2. lið um öryggi, gæði og virkni lyfja og lyfjaþjónustu er m.a. stefnt að því að bæta meðferðarheldni og sporna við fjöllyfjanotkun og að á heilbrigðisstofnunum, hjúkrunar-og dvalarheimilum verði farið með faglegum og skipulögðum hætti yfir lyfjanotkun þeirra sjúklinga sem nota mörg lyf samtímis. Hjúkrunarfræðingar sjá um lyfjagjafir á heilbrigðisstofnunum. Þeir gefa lyf og fylgjast með verkun og aukaverkun þeirra, hafa yfirsýn yfir lyfjanotkun sjúklinga sinna, bæði innan stofnana og utan og bera ábyrgð á að rétt lyf séu gefin réttum einstaklingi á réttum tíma. Þeir eru því í kjör aðstöðu til að fylgjast með og hafa eftirlit með fjöllyfjanotkun t.d. á hjúkrunarheimilum, sem og að vinna að forvörnum innan heilsugæslunnar, í skólum og víðar, sem geta dregið úr lyfjanotkun. Þeir eru einnig í lykilaðstöðu til að fræða sjúklinga sína um lyf og áhrif lyfja og á þann hátt aukið meðferðarheldni þeirra og kostnaðarvitund.
Fíh lýsir sig reiðubúið til að leggja áframhaldandi útfærslu og innleiðingu lyfjastefnunnar lið og bendir á að ein leið til að auðvelda og flýta fyrir því að settum markmiðum hennar verði náð, er sú að veita hjúkrunarfræðingum með víkkað starfssvið eins og til dæmis sérfræðingum í hjúkrun, takmarkaða heimild til að ávísa ákveðnum lyfjum.
Virðingafyllst,
Guðbjörg Pálsdóttir starfandi formaður
Félags íslenskra hjúkrunarfræðinga
Velferðarnefnd Alþingis
Efni: Umsögn um tillögu til þingsályktunar um lyfjastefnu til ársins 2020. Þingskjal 1106, 678. mál.
Félag íslenskra hjúkrunarfræðinga (Fíh) lýsir yfir ánægju með gerð lyfjastefnu sem byggist á þeim megin stoðum sem lýst er í lyfjastefnunni.
Fíh telur að við nánari útfærslu á þeim leiðum sem eiga að ná markmiðunum sem eru sett þar fram hafi hjúkrunarfræðingar þekkingu og reynslu sem vert er að nýta, bæði hvað varðar vinnu við útfærslu á leiðunum sem og að vera virkir þátttakendur í að ná settum markmiðum.
Í 1. lið lyfjastefnunnar, þar sem fjallað er um aðgengi allra landsmanna að nauðsynlegum lyfjum má benda á að hjúkrunarfræðingar starfa á öllum sviðum heilbrigðisþjónustunnar. Þeir eru víða út um land sú heilbrigðisstétt sem næst stendur sjúklingum, sérstaklega þar sem tímabundinn eða viðvarandi skortur er á læknum. Sífellt fleiri lönd hafa veitt hjúkrunarfræðingum með víkkað starfssvið, takmarkaða heimild til að ávísa ákveðnum lyfjum. Er það gert til að bæta þjónustu m.a. við sjúklinga úti á landsbyggðinni sem oft á tíðum búa við læknaskort um lengri eða skemmri tíma. Margra ára góð reynsla er af ýmsum útfærslum af lyfjaávísun hjúkrunarfræðinga með tilskylda þjálfun og réttindi í löndum eins og Bandaríkjunum, Bretlandi, Ástalíu, Nýja Sjálandi, Írlandi og í Skandinavíu. Ótal rannsóknir hafa sýnt fram á öryggi og gæði þessarar þjónustu.
Í 2. lið um öryggi, gæði og virkni lyfja og lyfjaþjónustu er m.a. stefnt að því að bæta meðferðarheldni og sporna við fjöllyfjanotkun og að á heilbrigðisstofnunum, hjúkrunar-og dvalarheimilum verði farið með faglegum og skipulögðum hætti yfir lyfjanotkun þeirra sjúklinga sem nota mörg lyf samtímis. Hjúkrunarfræðingar sjá um lyfjagjafir á heilbrigðisstofnunum. Þeir gefa lyf og fylgjast með verkun og aukaverkun þeirra, hafa yfirsýn yfir lyfjanotkun sjúklinga sinna, bæði innan stofnana og utan og bera ábyrgð á að rétt lyf séu gefin réttum einstaklingi á réttum tíma. Þeir eru því í kjör aðstöðu til að fylgjast með og hafa eftirlit með fjöllyfjanotkun t.d. á hjúkrunarheimilum, sem og að vinna að forvörnum innan heilsugæslunnar, í skólum og víðar, sem geta dregið úr lyfjanotkun. Þeir eru einnig í lykilaðstöðu til að fræða sjúklinga sína um lyf og áhrif lyfja og á þann hátt aukið meðferðarheldni þeirra og kostnaðarvitund.
Fíh lýsir sig reiðubúið til að leggja áframhaldandi útfærslu og innleiðingu lyfjastefnunnar lið og bendir á að ein leið til að auðvelda og flýta fyrir því að settum markmiðum hennar verði náð, er sú að veita hjúkrunarfræðingum með víkkað starfssvið eins og til dæmis sérfræðingum í hjúkrun, takmarkaða heimild til að ávísa ákveðnum lyfjum.
Virðingafyllst,
Guðbjörg Pálsdóttir starfandi formaður
Félags íslenskra hjúkrunarfræðinga