Þann 23. mars sl. var haldin vinnustofa um aðlögun að loftslagsbreytingum og lýðheilsu á vegum umhverfis-, orku- og loftslagsráðuneytisins. Vinnustofan fór fram í húsnæði Embætti landlæknis. Þetta var áttunda vinnustofan í samráðsferli vegna tillögu um efnisþætti og skipulag Landsáætlunar um aðlögun að loftslagsbreytingum og byggði hún á markmiðasetningu í hvítbók um aðlögun að loftslagsbreytingum frá árinu 2021 og samsvarandi stefnu, Í ljósi loftslagsvár frá sama ári.